Билиҥҥи кэмҥэ оҕо да улахан да киһи элбэхтик кэллэҕинэ-бардаҕына билиитэ –көрүүтэ кэҥиир. Ол сиэринэн Марха орто оскуолатын 10 кылааһын үөрэнээччилэрэ кылаастарын салайааччылара Аммосова Люция Васильевна уонна пионерскай хамсааһын бэтэрээнэ Васильева Анастасия Романовнаны кытта МАУ ДО ЦДНТТ –га кэлэн элбэҕи билэн-көрөн бардылар. Кружоктар үлэлэрин-хамнастарын билистилэр, станоктарга үлэлээн кэрдүлэр, тыыннаах музыканнан ырыа да иһиттилэр.
Оҕолор салгыы “Тапталлаахтар сквердэригэр”, “Мин мантан сэриигэ барбытым”монумеҥҥа, государственнэй деятель биир дойдулаахпыт А.Я.Овчинникова скверигэр, “Кыайыы болуоссатыгар” уонна Ньурбалар киэн туттар “Аар хатыҥмытыгар “сырыттылар.
Билигин дойду үрдүнэн Оҕо хамсааһыныгар салалта, правительство өттүттэн улахан болҕомто ууруллар буолла. Биһиэхэ “Ньурба эрэлэ” улуус оҕолорун түмсүүлэрин сүрүннүүр. Оҕону патриотическай тыыҥҥа иитии, төрөөбүт дойдуну таптааһын уонна киэн туттуу билигин да инники күөҥҥэ турар. Марха оскуолатын оҕолоро Ньурбаҕа айаннаан киирэн элбэҕи билэн-көрөн тахсыбыттара хайҕаллаах суол.
Оҕолорго кинилэр учууталларыгар ситиһиилэри баҕарабыт!
МАУ ДО ЦДНТТ “Ньурба эрэлэ” педагог организатора В.Я.Давыдова, Ньурба к.
|