« Мин Айыы сирин оҕотобун» бырайыак бэйэтин үлэтин салгыыр. Санатан этэр буоллахха былырыыҥҥыттан Ньурба №3 оскуолатын 2”а” (сал.Охлопкова Е. Г), 4 “в” (сал. Винокурова И.А) кылааһын оҕолоро сылдьаллар. Бу сырыыга оҕолор олорор тапталлаах куораттарын Ньурба сирин –уотун кытта билсии, биир дойдулаахпыт эстрада ырыаһыта Игорь Егоров “Ньурба туһунан” ырыатын ис хоһоонун тула ыытылынна .
... Ньурбам көмүс күһүнэ
Ньурбам кылбаа кыһына
Ньурбам самаан сайына
Ньурбам чаҕыл сааскыта
Бу кэпсэтии уратыта диэн араас сылларга Ньурбатааҕы эбии үөрэхтээһин Киинигэр дьарыктаммыт оҕолор араас сылларга түһэрбит хаартыскаларынан дьүһүйүү буолла.
Аан бастаан Ньурба сирин-уотун, кини хостонор баайын, төһө киһи олорорун, эмблемабытын, Ньурба улууһугар, Ньурба куоратыгар хас оскуола баарын, кимнээх туппуттарын, аҕа баһылыкпыт кимин эндэппэккэ биллибит.
Ырыаҕа ылламмыт, хоһооҥҥо хоһуллубут Күөх Ньурба дуо дэппит Ньурбабыт барахсан дьыл араас кэмигэр кэрэ айылҕатын оҕолор хаартысканан көрөн сөҕүү -махтайыы бөҕө буоллулар. Кыһын, саас, сайын, күһүн барыта бэйэлэрэ тус кэрэлээхтэрин, араас мөһүүрэ кырааскалаахтарын, дьыл кэмэ киһиэхэ, көтөргө –сүүрэргэ, кыылга-сүөлгэ араастык кэлэрин, дьайарын биллилэр. Холобур сылгылар тоҥ хаары хаһан бэйэлэрэ аһыылларын, ким да кинилэргэ бэлэмнээн биэрбэтин, сылгы үөрэ хайдах курдук бэрээдэктээҕин, атыырдара адьырҕа кыыллартан хайдах хорсуннук көмүскүүрүн, куттал суоһаатаҕына түмсүүлээх буолалларын биллилэр. Таарыччы оҕолор эмиэ кылааһынан түмсүүлээх буолуохтаахтарын, бэйэ бэйэҕэ куруук көмөлөсүһэ сылдьыахтаахтарын араас холобурдарга кэпсэттибит.
Ньурба сиригэр айылҕа араас кэрэ көстүүлэри билистибит, фантазиябытын үлэлэтэн да ыллыбыт. Үөн-көйүүр, кыыл-сүөл, көтөр-сүүрэр, киһи аймах барыта Айылҕа оҕото буоларын биллибит. Таарыччы киһи доҕоро ыты оҕолор ачаалаан ылларан баран куруук көрө-истэ сылдьыахтаахтарын, бэйдиэ быраҕыа суохтаахтарын санатыстыбыт Оҕолор айылҕаны куруук харыстыахтаахтарын, ойуурга бөҕү-сыыһы хаалларбакка, хомуйа сылдьыллыахтааҕын бары бэрткэ билэллэрэ киһини үөрдэр. Киһи олоҕор саамай наадалаах ыраас уу буоларын, мастар салгыны ыраастыылларын эмиэ таарыйдыбыт. Түмүккэ төрөөбүт, үөскээбит Ньурбабыт маннык кэрэтин, оҕолор атын оҕолор араас сылларга түһэрбит хаартыскаларын нөҥүө көрөн биллилэр, кэрэҕэ кыттыһан ыллылар.
Бу занятие оҕолорго төрөөбүт дойдуга тапталы, киэн туттууну күүһүрдүө, кэрэҕэ сырдыкка угуйуо, айылҕаҕа харыстабыллаах сыһыаны кыра саастарыттан олохтуо диэн эрэнэбин.
Бырайыак салайааччыта , ЦДНТТ педагога Давыдова В.Я.
|
