Бүлүүгэ көрсүөххэ диэри!
 2011с. Ньурбатаа5ы Оҕону Эбии Үөрэхтээһин киинин педагога Андреева Лариса Прокопьевна көҕүлээһининэн Ньурбачаан оскуолатыгар аан бастакытын Бүлүү бөлөх эдэр кэрэспэдьиэннэрин сүлүөтэ ыытыллыбыта. Бу мантан ыла түөрт улуус эдкордарын түмэн, региональнай сүлүөт ыытар үгэс олохсуйбута.
2017с. Бүлүү улууһун Баппаҕаайы оскуолатыгар “Көмүс бөрүө” эдкорпост тэрийэн ыыппыт сүлүөтүгэр биһиги телестудиябыт кыайыылаах тахсан, быйыл биһиги тэрийэн ыыттыбыт.
Сүлүөккэ уопсайа уон сэттэ хамаанда ( Сунтаартан – Элгээйи, Күүкэй; Үөһээ-Бүлүүттэн – Ороһу, Дүллүкү, Үөһээ-Бүлүү №1 оскуолата; Бүлүүттэн – Илбэҥэ, Чинэкэ, Бүлүү куората; Ньурбаттан – ЦДНТТ, Хаҥалас, Маалыкай, Хатыы, Күндээдэ,Чаппанда,Антоновка, Ньурба куоратыттан техлицей уонна №1 оскуолалар) кыттыыны ыллылар , о.э. 80 оҕо уонна 17 салайааччы. Ону таһынан биһигитини кытары “Кэскил” хаһыаттан биэс ыҥырыылаах ыалдьыттарбыт үлэлэстилэр : “Бэргэн” пресс агенствотын салайааччыта Алексеева Таисия Ивановна, “Кэскил” хаһыат сайтын редактора Иевлева Анисия Михайловна, фотокорреспондент Пак Василий Николаевич уонна эдэр суруналыыстар Третьякова Айаана Иннокентьевна, Ильин Павел Васильевич.
Икки күн устата оҕолор мультимедийнай суруналыыстыка уонна видеопроизводство чемпионаттарыгар , хаартыскаҕа түһэрэргэ, айар үлэҕэ, , квест-оонньууга күрэхтэстилэр. Ону таһынан уопуттаах суруналыыс Иевлева Анисия Михайловна аныгы үйэ оҕолоругар олус наадалаах ситиһиигэ көҕүлүүр мотивационнай лиэксийэлэри, суруналыыстыка үөрүйэхтэригэр маастар –кылааһы ыытта. Онтон Алексеева Таисия Ивановна Бүлүү бөлөх постарын салайааччыларын кытары ирэ-хоро уопут атастаһыытын төгүрүк остуолун салайбыта. Биһиги улууспутуттан саҥа саҕалыыр коллегаларбыт манна сылдьан элбэххэ үөрэннилэр, инникитин күүскэ үлэлэһиэхтэрэ диэн эрэнэбит.
Икки күннээх сүлүөт түмүгүнэн “Түһүлгэ” баҥкыаттыыр саалаҕа наҕараадалааһын түмүктүүр биэчэр тэриллибитэ. Өрөгөйдөөх тэрээһини Ньурбатааҕы драмтеатр артыыстара иилээн-саҕалаан ыыттылар. Ол курдук кинилэр оҕолору оонньоппуттара уонна ылбаҕай ырыаларынан дьон биһирэбилин ылбыттара.
Сүлүөт кыттыылаахтара бука бары, мааны астаах остуол тула олорон, эдкордар эҕэрдэ нүөмэрдэрин көрдүлэр, оонньууга кытыннылар уонна, биллэн турар, ситиһиилээхтик кыттыбыттар чиэстэннилэр.
Бу манна Ньурба куорат тэрилтэлэрэ оҕолору олус өйүүллэрин биллэрэн туран, анал ааттардаах бириистэри туруордулар. Онон Ньурбалар түмсүүлээхпитин, бэйэ-бэйэни өйөһөрбүтүн ыалдьыттарбыт хайҕыы көрдүлэр.
Сүлүөт түмүгүнэн маннык анал ааттары туттардылар:
* Ньурба куорат дьаһалтатын ыччаты кытта үлэҕэ отдел специалиһа Яковлев С.П. анаабыт “Бастыҥ лидер” номинация кыайыылааҕынан буолла Ира Николаева, “Калейдоскоп” телестудия, Ньурбатааҕы Оҕо научнай-техническэй киинэ;
* К.Д. Уткин аатынан Доҕордоһуу түмэлэ ( сал.Туманова А.А.) - “Өркөн өй” (квест-оонньуу түмүгүнэн) ылла Сандаара Федорова, “Кустук” пост, Күүкэй, Сунтаар;
* Ньурбатааҕы култуура департамена ( сал. Тихонова Р.М.) -“Саҥалыы көрүүлээх салайааччы” – Надежда Семенова (“Чинэкэ кэскилэ” пост, Чернышевскай, Бүлүү;
*ЦДР “Триколор” ( сал. Семенов В.Н.) - «Бастыҥ презентациялаах пост» — «Эдкор» пост, Элгээйи, Сунтаар;
* “Ньурба уоттара” литературнай түмсүү ( сал.Моякунова Е.И.) - “Бастыҥ уус-уран суруйуу” – Урсун Николаев, “Эрчим” пост, Дүллүкү, Үөһээ Бүлүү;
* Н.И.Харитонов – Николай Чуор аатынан “Кыталык” Культура киинэ ( сал.Куличкина М.К.) -“Эйэҕэс майгы” – Игорь Аммосов, “Чуораанчык” пост, Хатыы, Ньурба;
* Ньурбатааҕы оҕо научнай-техническэй дьоҕурун сайыннарар киинэ ( сал. Емельянова А.С.) “Көхтөөх пост” – “Бараховец”, Үөһээ Бүлүү И.Барахов аатынан 1№-дээх оскуолата;
* Ньурбатааҕы оҕо научнай-техническэй дьоҕурун сайыннарар киинэ ( дир. Емельянова А.С.) “Бастыҥ сурутуулаах пост” – “Ыллык”, Хаҥалас, Ньурба;
*“Бастыҥ сырдатааччы” – Юлианна Сивцева (хаартыскаҕа сүлүөтү 2011 с. аан бастаан тэрийбит Л.П. Андреева үөрэнээччилэрин кытары туруорбут бирииһин туттарар), “Калейдоскоп” телестудия, Ньурбатааҕы Оҕо научнай-техническэй киинэ;
*Улуустааҕы кииннэммит библиотекаттан ( сал. Багмет А.В.) “Үс Бүлүү эрэлэ” – Сарыал Васильев, “Эрэл” пост, Маалыкай, Ньурба;
*Ньурбатааҕы типография (сал. Николаев П.Д.) “Эдкорпост бастыҥ салайааччыта” – “Эдкор” поһу 32 сыл салайбыт Евдокия Петровна Кривошапкина, Элгээйи, Сунтаар.
* Ньурбатааҕы култуура департамена ( сал. Тихонова Р.М.) “Саҥа сүүрээн” — “Тииҥ мэйиичээн”, Чаппанда, Ньурба.
*“Ньурба куората” МТ (баһ.Иванов А.И.) “Үрдүк көрдөрүүлээх пост” – “Калейдоскоп” телестудия, Ньурбатааҕы Оҕо научнай-техническэй киинэ.
*Ньурбатааҕы оҕо научнай-техническэй дьоҕурун сайыннарар киинэ ( сал. Емельянова А.С.) “Айымньылаахтык үлэлиир пост” – “Ньургуһун” пост, Күндээдэ, Ньурба (хаартыскаҕа көр).
“Видеопроизводство” чемпионатыгар о5олор сүлүөт туһунан сюжет уһулбуттара. Маныаха кинилэргэ сүбэ-ама биэрдилэр “Саха” НКИХ Ньурбатааҕы филиалыттан сал.Саввинов Р.С. уонна “Калейдоскоп” оҕо телестудиятын оператор-монтажера Миронов Е.Г. Түмүккэ кыайыылаахтары таһаардылар:
*«Ньурба» радиота ( сал. Федорова С.Р.) “Бастыҥ ис хоһоонноох сюжет” – Третьякова Юля, Петрова Олеся, “Ыллык”, Хаҥалас, Ньурба.
Бирииһэ: “Саха” НКИХ радиотыгар стажировка.
*«Ньурба» радиота ( сал. Федорова С.Р.) “Бастыҥ куоластаах диктор” – Ушатова Нарыйаана, “Тымтык” пост, Ороһу, Үөһээ Бүлүү. Бирииһэ: “Виктория” радиоканалга стажировка.
* “Бизнес+” хаһыаттан ( сал.Миронова К.А.) “Бастыҥ оператор-монтажер” – Николай Будищев, “Ориентир” пост, Бүлүү 1№-дээх оскуолата.
*“Саха” НКИХ Ньурбатааҕы филиалыттан ( сал.Саввинов Р.С.) “Бастыҥ эдэр кэрэспэдьиэн” – Мичийээнэ Кульбертинова, Ньурбатааҕы техлицей. Бирииһэ: “Саха” НКИХ “Саҥа күн” биэриитигэр стажировка.
Лонгрид суруйуу күрэҕин “Кэскил” хаһыат эдэр суруналыыстара Третьякова А.И. Уонна Ильин П.В. тэрийэн ыыппыттара. Манна оҕолор эмиэ сүлүөтү сырдатар ыстатыйалары суруйан холоммуттара. Түмүккэ бастыҥнарынан буоллулар:
* “Ньурба” хаһыат редакцията (сал.Дорофеева Л.К.) “Бастыҥ лонгрид” – Николай Федоров¸ “Ориентир” пост, Бүлүү 1 №–дээх оскуолата (фото).
*«Ньурба» радиота ( сал. Федорова С.Р.) “Сытыы тыллаах суруксут” – Лилияна Капитонова, “Объектив” пресс-киин, Ньурбатааҕы техлицей. Бирииһэ: ГТРК “Саха” радиоканалга стажировка.
«Кэскил» хаһыат ыыппыт күрэхтэригэр:
- Сомоҕолоһуу сылыгар аналлаах “Бары бииргэ” өйтөн суруйууга:
I миэстэ – Лена Алексеева, “Көмүс бөрүө”, Илбэҥэ, Бүлүү.
II миэстэ – Валентин Прокопьев, “Кустук”, Күүкэй, Сунтаар.
III миэстэ – Нарыйаана Ушатова, “Тымтык” пост, Ороһу, Үөһээ Бүлүү.
I миэстэ – “Ориентир” пост. Бүлүү 1 №-дээх оскуолата ( хаартыска5а)
II миэстэ — «Эрэл», Ньурба 1 №-дээх оскуолата.
III миэстэ — «Эрчим» пост, Дүллүкү, Үөһээ Бүлүү.
- Сүлүөт уопсай түмүгүнэн кыайыылаах хамаандалар:
I миэстэ – “Кустук” пост, Күүкэй, Сунтаар.
II миэстэ – “Тымтык” пост, Ороһу, Үөһээ Бүлүү.
III миэстэ – “Ыллык” пост, Хаҥалас, Ньурба.
Гран-при – “Ориентир” пост (сал. М.К. Ионова). Бүлүү Г.И. Чиряев аатынан 1 №-дээх оскуолата. “Океан” лааҕыр путевкатынан наҕаарадаланна уонна сүлүөт көһө сылдьар Кубогын туттулар. Онон Бүлүү бөлөх улуустарын эдэр кэрэспэдьиэннэрин кэлэр сүлүөтэ 2021 сылга Бүлүү куоратыгар буолуоҕа.
Бүлүүгэ көрсүөххэ диэри!
Бу маннык туһалаах сүлүөппүтүн өйүүр,тэрийэр, куруук кэһии тутуурдаах,оҕолорбут сайдалларын туһугар күүскэ үлэлиир “Кэскил” хаһыаппытыгар, чуолаан Таисия Ивановна Алексееваҕа уонна Анисия Михайловнаҕа Иевлеваҕа барҕа махталбытын тиэрдэбит. Ону таһынан тэрээһиммит үрдүк таһымҥа барарыгар күүс-көмө буолбут, бириис бөҕөтүн туруорбут Ньурбабыт куоратын тэрилтэлэрин үтүө санаалаах салайааччыларыгар, кинилэр үлэһиттэригэр улаханнык махтанабыт.
Элена Федорова – “Калейдоскоп” оҕо телестудиятын салайааччыта, ЦДНТТ
Бүлүү бөлөх улуустарын эдэр кэрэспэдьиэннэрин сүлүөтэ са5аланна!
13.03.2019
Кулун тутар 13-14 күннэригэр Ньурба куоратын О5о научнай-техническэй киинигэр (дир. А.С. Ермолаева) «Кэскил» хаhыат Бүлүү бөлөх улуустарын эдэр кэрэспэдьиэннэрин «Бол5ойуң, пресс-киин үлэлиир» регионнаа5ы сүлүөтэ буола турар. Сүлүөккэ Бүлүү, Ньурба, Үөhээ Бүлүү, Сунтаар улуустарыттан барыта 17 хамаанда күрэхтэhэ сылдьар.
Үөрүүлээх аhыллыытыгар Ньурба улууhун баhылыгын социальнай боппуруоска солбуйааччы Анна Михайловна Уларова кэлэн э5эрдэлээтэ:
Үөрүүлээх аhыллыытыгар Ньурба улууhун баhылыгын социальнай боппуруоска солбуйааччы Анна Михайловна Уларова кэлэн э5эрдэлээтэ:
— Бүгүн манна эдэр кэрэспэдьиэннэр түмүстүлэр. Эhиги дьарыккыт олус эппиэтинэстээх: сонуну хайдах тиэрдэргититтэн дьон өйө-санаата сааhыланар, оло5у көрүүтэ тутулуктанар. Онон кырдьыгы эрэ тутуhан, уопсастыба5а туhалаа5ы эрэ суруйуң, дойдугут аатын ааттатар, имиджин оңорор патриоттар буолуң!
Бу үөрүүлээх түгэңңэ «Кэскил» хаhыат «Бэргэн» агентствотын сүрүннээччи Таисия Алексеева бастың үлэлээх юнкорпост салайааччыларыгар Үөрэх уонна наука, итиэннэ Инновация, цифровой сайдыы, инфокоммуникационнай технология министиэристибэлэриттэн, О5о хамсааhынын сайыннарар киинтэн, ону сэргэ «Юные якутяне» өрөспүүбүлүкэтээ5и ресурснай киинтэн Махтал суруктары туттарда.
Ол кэнниттэн постар бэйэлэрин билиhиннэрдилэр:
 «Чинэкэ кэскилэ» (Чинэкэ, Бүлүү, сал. Н.Д. Семенова)
«Көмүс бөрүө» (Илбэңэ, Бүлүү, сал. Л.С. Тарасова)
 «Ориентир» (Бүлүү Г.И. Чиряев аатынан 1 №-дээх оскуолата. сал. М.К. Ионова)
«Тымтык» (Ороhу,Үөhээ Бүлүү, сал. Н.Н. Михайлова)
 «Бараховец» (Үөhээ Бүлүү Барахов аатынан 1 №-дээх оскуолата, сал. З.Н. Стручкова)
 «Эрчим» (Дүллүкү, Үөhээ Бүлүү, сал. А.И. Афанасьева)
«Эдкор» (Элгээйи, Сунтаар, Е.П. Кривошапкина)
«Кустук» (Күүкэй, Сунтаар, К.Е. Саввинова, О.А. Федорова)
 «Эрэл» (Ньурба 1 №-дээх оскуолата, сал. Л.В. Татаринова)
 «Ыллык» (Хаңалас, Ньурба, сал. П.Н. Алексеева)
 «Күөх Ньурба» (Ньурба политехническай лицейэ, сал. С.Е. Данилова)
 «Чуораанчык» (Хатыы, Ньурба, сал. И.И.Васильева)
 «Philips» (Антоновка, Ньурба, сал. Т.Н. Фокина)
 «Эрэл» (Маалыкай, Ньурба, сал. М.А. Николаева, )
 «Калейдоскоп» (Ньурбатаа5ы О5о научнай-техническэй киинэ, Э.Е. Федорова)
 «Ньургуhун» (Күндээдэ, Ньурба)
Эбиэттэн киэhэ мультимедийнай суруналыыстыка5а чемпионат буолла. О5олор сүлүөт туhунан 1,5-2,5 мин. видеоролик устан, монтажтаан оңордулар.
Икки чаас устата лонгрид суруйдулар (англ. longread; long read — букв. «долгое чтение») — формат подачи журналистских материалов в интернете (англ. Long-form journalism). Его спецификой является большое количество текста, разбитого на части с помощью различных мультимедийных элементов: фотографий, видео, инфографики и прочих).
Keskil14.ru сайт редактора Анисия Иевлева «Навыки публичных выступлений», «Личный бренд и развитие лидерства» диэн тиэмэлэргэ лиэксийэ аахта.
Таисия Алексеева эдкорпост салайааччыларыгар Төгүрүк остуол ыытта,æ уопут атастаhыыта буолла.
 Сүлүөт бастакы күнэ «Кэскил» балаhаларынан квест оонньуунан уонна до5ордоhуу биэчэринэн түмүктэннэ.
| 
