 «Мин Айыы сирин оҕотобун” бырайыак сүрүн тэрээһиннэрин эппитим курдук быйылгы дьылга Ньурба №3 оскуолатын 1«а» (сал. Охлопкова Е.Г) уонна 3”в”(сал.Винокурова И.А) кылаастарыгар ыытабыт. Бырайыак чэрчитинэн“Өбүгэлэрбит оонньуулара” (хаамыска, хабылык, тырыыҥка) оҕолорго ыытылынна. Оҕолорго хаамысканнан, хабылыгынан, тырыыҥканнан оҕо уонна эдэр саастарыгар үлүһүйэн оонньообут, оонньуу бары быраабылатын билэр опыттаах дьоннору ыҥыран оҕолорго маастар-кылаас бэрдэрдибит. Ол курдук “Сардаҥа” эбээлэр түмсүү чилиэнэ, өр сылларга оҕо иитиитигэр учууталынан үлэлээбит РФ Үөрэҕириитин туйгуна, педагогическай үлэ бэтэрээнэ, Таркаайы нэһилиэгин бочуоттаах олохтооҕо Егорова Варвара Ивановна уонна ЦДНТТ педагога Егорова Марина Семеновна оонньуу хаамыытын, быраабылатын сиһилии кэпсээтилэр, көрдөрдүлэр. Хас биирдии оонньуу бэйэтэ оҕону угуйар ис кистэлэҥнээх. Сүүрэ-көтө сылдьыбыт оҕолор тырыыҥка оонньуу буолтугар балачча боччумуран олорон оонньоотулар. Ити этиллибит сахалыы остуол оонньуулара билиҥҥи үйэҕэ, үгүс оҕону болҕомтолоох, боччумнаах буолууга үөрэтэрэ кэрэхсэбиллээх эбит.
Иккиһинэн бырайыак чэрчитинэн туочуканан өстүөкүлэҕэ сахалыы харысхаллары уруһууйдуурга үөрэтэбит. Харысхаллар суолталарын кэпсиибит, өйдөтөбүт.
“Мин айыы сирин оҕотобун” бырайыак оҕолорго чахчы сахалыы чөл куттаах , сахалыы сиэрдээх буоларга үөрэтэр оруола улахан.
Давыдова Валентина Яковлевна – ЦДНТТ педагога, “Мин Айыы сирин о5отобун” бырайыак салайааччыт, муус устар 23 күнэ, Ньурба куората.
         
|
